2025-04-08
科技感滿瀉！國產重型車班霸 SITRAK G7S
可能唔少人仍然對國產車有一定成見，不過隨住國產電動私家車日漸流行，普遍多咗人去深入認識國產車後，國產車真係更為受落。國產商用車近年其實都有飛躍式進步，唔單止外貌越嚟越順眼，連帶車上嘅設備都越見高級，就好似一直係國產重型車台柱嘅SITRAK汕德卡咁，最近推出嘅新款重型車G7S，內外都高級到可以同歐洲車媲美，某啲配置同設計連歐洲車都未有！整體非常有科技感！
今次嘅G7S更有多個不同底盤供選擇，呢次拍片就攞咗部30噸四擔同埋38噸兩擔拖頭出嚟，實行一次試兩個型號嘅G7S俾大家睇，等大家睇清楚新款G7S嘅表現。